ذكر الله وتأثر القلب بذلك

السلام عليكم ورحمة الله

طبعا انا غيبت كتير عن المدونة دى بس لاسباب منها ان المفروض اقوى اللغة عندى

لكن الظروف مسمحتش فمنتظرة ان ربنا يسهلها وهكمل انجليش وعربى معا

بس هكمل عربى لغاية ما ربنا يفتحها عليه عشان افيد الناس وفى النفس الوقت المدونة متتعطلش

هتكلم باذن الله النهاردة عن ذكر الله عز وجل وكيف هذا بيؤثر على القلب باللين والتسامح والبعد عن

كل المعاصى

اولا:- اننا بنحافظ على الفروض الصلاة- الزكاة- ...الخ لكن هل حد فينا بيعمل الحاجات دى

على اكمل وجه وبنية واخلاص لله عز وجل؟؟

فى منا بيصلى وبيكذب وبيظلم وبيشتم و...الخ اينعم محدش يعلم ايه اللى بين العبد وربه

لكن ليه منزينش الخارج زى ما زينا الداخل وعشان ربنا يحبنا اكتر وندخل فى اعلى درجة من درجات الجنة

واحد يقولك انا خلاص لسانى اتعود...ومش عارف اعمل ايه ؟؟ اتعودت على انى اشتم ولو بهزار .. اتعودت انى اكذب

ولو فى سبيل مقلب اوتهريج

لكن رب العباد مش بيحب كده ..وانت لما تحب انسان بتعمل اى حاجة عشان ترضيه ايش حال بقى ربك اللى خلقك ؟؟؟

طيب والمطلوب

عود لسانك على ذكر الله فهتلاقى نفسك بالتدريج قلبك بيصفى ده اولا

ثانيا بدام ما هتشتم وانت فى موقف صعب هتلاقى نفسك وبدون قصد بتقول لااله الا الله

لا حول ولا قوة الا بالله

كل ده هيمتص غضبك وفى نفس الوقت حسنة وفى نفس اللحظة ربنا هيرضى عنك

وكل اللى حواليك هيحبوك دون مقابل مادى او مصلحة زى ما بيقولوا

لانه هيبقى حب ربانى

وابواب الرزق هتتفتح ليك وهتفتحلك ابواب كانت مغلقة فى وجهك

حد يقولى طيب انا بصلى وبصوم وبعمل كل الفرائض ومع ذلك رزقى مش ماشى اوى

هقول جملة الدنيا سجن المؤمن وجنة الكافر

بس المقولة دى مش معناها فى ضيق الرزق لا

قد يكون مرض او ضيق رزق او ...الخ كل دى اختبارات وابتلاءات ربنا عايز يعرف انت هتجتازها

ولا لا حبا فيه وفى رضاه وطاعته

وربنا قال ( ويرزق من يشاء بغير حساب) ممكن تكون بتدعى عشان رزق من الباب ده

يقوم يجيلك رزق انت مش متوقعه ولا عامل حسابه من جهة اخرى

يكون خيرا لك واحسن من الرزق اللى انت توقعته

الناس اللى بتبتغى الرزق وبركة اليوم وخير مافيه لازم تحافظ على صلاة الفجر

قال الله تعالى فى سورة الاسراء

بسم الله الرحمن الرحيم

(ِ إِنَّ قُرْآنَ الْفَجْرِ كَانَ مَشْهُودًا)

المقصود ان صلاة الفجر تشهده ملائكة الليل وملائكة النهار يحضرون صلاة الفجر ويعرجون إلى الله ويقولون أتيناهم وهم يصلون...

وبيطلع كل يومين ملكين يقولون

روى عن الرسول صلى الله عليه وسلم حيث قال... انه في كل يوم ينادي منادي اللهم اعطي منفقا خلفا....واعطي

ممسكا تلفا

..............................

معتقدش يعنى واحد صاحى من نومه وبيذكر ربنا وبيصلى وبيدعى وربنا ميدلوش

ابدا

ربنا سبحانه وتعالى اقرب الينا من حبل الوريد

فرجاء تحروا صلاة الفجر والله فيها سر عظيم لايعلمه الا الله سبحانه وتعالى

اما عن الذكر

ممكن تقول لا اله الا الله 100 مرة

لا اله الا الله وحده لاشريك له ,له الملك وله الحمد وهو على كل شىء قدير 100 مرة

الصلاة على النبى كثيرا

قال رسول الله صلى الله عليه وسلم من صلى علي مرة صلى الله عليه عشرا

" من صلى علي صلاة واحدة صلى الله عليه عشر صلوات وحطت عنه عشر خطيئات ورفعت له عشر درجات " حديث صحيح ...

شوفوا بقى لو صليتوا على رسول الله صلى الله عليه وسلم اكثر من صلاة

والتسابيح والتهاليل والتكبيرات وترديد الاذان كل ده بيقربك من ربنا

وبيطهر قلبك من كل سوء وحقد وجبروت ومعصية مبيتة

الاستغفار ياجماعه ممكن تقولوا

استغفر الله العظيم واتوب اليه 100 مرة

او اكثر مش هيحصل حاجة يعنى

واقرئوا قران كتير لتنشيط الروحانية وحتى روحكم تسمو وتكون فى سموها طهارة وطيبة

وسبحوا الله

بسبحان الله وبحمده 100 مرة حتى تزول ذنوبكم ولو كانت كا زبد البحر

دى خاطرة بقى كنت كتباها فى التقرب لله والصلاة على النبى كنت كتبتها من فترة كبيرة

من شهر فبراير تقريبا

اسمها دعوة للتقرب الى الله

خرجت من بيتى يوما ما متحزنة
لكن دموعى فى عيونى وقلبى متجمعة
كنت ذاهبة فى ملكوت ربى متأملة
فى انتظار صديقتى لامر ربى مسلمة
وتلاقينا عند باب الجامعة
فمشينا سويا حتى الروضة متنزها
جلسنا امام النيل متفرجا
أخذنا نشكى لله كروبنا وهمومنا
فكانت استجابة ربى لعباده مسرعة
وجدت مطرا فوق رؤسنا متسايلة
والسماء بها نورا متوهجا
وملاكا يطير فى السماء متألقا
كنت لرؤيته كالطير على جناحى متطايرة
وعندما ذكرت المصطفى اصبح فوق رؤسنا
يطير يمينا ويسارا حارسا فرحا بنا
فيا عباد الله اذكروا الله بصورة متكررة
واجعلوا حبه كالشجر فى قلوبكم متفرعا

اراكم لاحقا ان شاء الله

السلام عليكم